ФРАНЦИЯ

Неважӧн Парижын воссис францияса крестьяналӧн сӧвет. Крестьяна кӧсйӧны асланыс сӧвет пыр мездысьны капиталистъяс да помещикъяс кабыр улысь.

Францияса озыр йӧз ёна полӧны коммунист партия ёнмӧмысь. Парламентын сёрнитігӧн ӧти морт, шуӧны Анри Симонӧн, неважӧн шуис: СССР пӧ быд во таргайтӧ став му вылын большевик партияяс ёнмӧдӧм вылӧ кыксё миллион шайт. Коммунист Кашен юаліс Симонлысь: кысь пӧ тэ тайӧ тӧдан? — «Юманите» газетысь пӧ («Юманитеыс» — коммунистъяслӧн медыджыд газетыс). Со ӧд кыдзи кужӧны ылӧдчыны. Со ӧд кыдзи нинӧм абусьыс воӧны СССР вылӧ.

Сэки жӧ Эррио (парламентын юралысь) шуис — водзӧ кежлӧ СССР-кӧд тӧргуйтӧмын уна эм СССР сайын. Сӧвет правительство кӧ кӧсйысяс пыдди пуктыны Францияса важ Россиялы деньга удждысьясӧс да кӧсйысяс кӧ мынтыны сійӧ уджйӧзсӧ, сӧмын сэки позьӧ виччысьны бура лӧсялӧмӧн олӧм.