КОЛӦ ВӦТЛЫНЫ ТАТШӦМ ЙӦЗСӦ

САВАЯГЫН (Кулӧмдін уездын) эм ӧти морт, Илля Васьӧ Иванӧн шуӧны. Сійӧ зэв радейтӧ ропкыны Сӧвет власьт вылӧ. Сиктса коммунистъясӧс пыр зільӧ падмӧдны уджысь. Дерт, коммунистъясыд сійӧ кывъяс вылӧ оз видзӧдны, нуӧны ассьыныс уджнысӧ. Илля Вась Иван веськалӧма волисполкомӧ шленӧн. Некутшӧм удж сійӧ волисполкомын оз ну. Сӧмын асьсӧ тӧдӧ, аслыс уджалӧ, шуӧ: миянлы пӧ аслыным прӧмыс колӧ кыйны, некор тіянлы уджавны. Сэсся Илля Вась Иван юралысь пыдди видз-му уджалан юкӧдын. Мый сэні сійӧ уджалӧ, некод оз тӧд. Сӧмын, буракӧ, видз-му мерайтӧм удж вӧчліс. Илля Васьӧ Иван радейтӧ и гусясьны. Сэтшӧм жӧ морткӧд — Ӧськакӧд — зэв гусясьӧны (йӧзыс найӧс кык другӧн и шуӧны). Кымыныськӧ эськӧ Илля Васьӧ Иваныд гусясьӧмысь сюрлі нин, да пыр на кыдзкӧ мынлывліс. Йӧзыс эськӧ тӧдӧны налысь гусясьӧмтӧ, да нинӧм оз лысьтны шуныс, полӧны, зэв пӧ лёкӧсь да.

Колӧ Илля Вась Иванлысь аслыспӧлӧс «збойлунсӧ» чинтыштны дай кокыс инмавтӧг лэбӧдны волисполкомысь.

Скиталец.