УДЖ КЫПТӦ

Доддзын (Кулӧмдін у.) том йӧз заводитісны садьмыны. Неважӧн на эз вӧв лыддьысян керка. Комсомол ячейка эз вӧв. Вӧлі сӧмын омӧлик клубшой. Ӧні лӧсьӧдісны клуб. Сэні тшӧкыда овлӧны спектакъяс, докладъяс. Сэсся ӧні квайт морт пырисны комсомолӧ. Виччысьӧны Кулӧмдінсянь комсомол ячейкасӧ утвердитӧм.

Додзса том йӧз ветлӧны спектак сувтӧдны Визябӧжӧ да Озёлӧ. Медъёна уджсӧ нуӧдӧны Потапов да Шешукова.

Коми ань.