ВОССИС МӦСКУА ГУБЕРНЯУВСА ПАРТИЙНӦЙ КОНФЕРЕНЦИЯ

Январ 24 лунӧ Мӧскуаын воссис 13-ӧд Мӧскуа губерняувса партийнӧй конференция. Каменев ёрт висьталіс: кольӧм вося конференциясянь пӧ ӧнӧдз муніс зэв уна гырысь удж. Республикаяслӧн Союз лӧсьӧдіс дон усьтӧм сьӧм, ёнмӧдіс пабрик-заводъяс, бурмӧдіс, кокньӧдіс каръяс да сиктъяс костын ньӧбасьӧм, вузасьӧм. Донтӧммӧдіс пабрик-заводса да карса тӧваръяс, кыдз-мый вермис мырсис ёнмӧдны, бурмӧдны крестьяналысь видз-му уджалӧм. Пабрик-заводъяс ёнмӧмӧн, кыптӧмӧн ёнмис эмбуртӧм йӧз, чорыда ӧтувтчис партия дорӧ. Партия шуис лозунг: деревнялань бергӧдчыны. Миянлы водзысь водзӧ колӧ ёнмӧдны, бурмӧдны став Республикаяслысь крестьянакӧд ӧтвывтчӧм. Тайӧ лунъяс пӧ Центральнӧй комитетын муніс сёрни кооперация йылысь. Шуисны медъёна нуӧдны удж видз-му кооперативъяс восьталӧм йылысь, найӧ ёнмӧдӧм йылысь.