АМЕРИКА СССР-ӦС ПЫДДИ КУТАС ПУКТЫНЫ

НЬЮ-ЙОРК. «Юнайтэд Пресс» нима агентство ыстӧма Америка пасьта телеграммаяс СССР-ӧс пыдди пуктӧм йылысь. Телеграммаясын гижӧма: СССР-ӧс ӧні пуктӧны пыдди став Европаса гырысь государствояс. Неважӧн Япониякӧд нин лӧсьӧдчисны. Бокын кольӧ сӧмын Америка. Колӧ регыдджык тӧдмасьны да лючки сёрнитны СССР-кӧд. Колӧ нин америкаса правительстволы ас гӧгӧрыс дай мукӧд государство вылӧ, медъёна СССР вылӧ, видзӧдлыны. Сӧвет правительство ӧні чорыда сувтіс кок вылас. Колӧ сыкӧд лӧсьӧдчыны нюжйӧдлытӧг, мед эськӧ ми огӧ кольӧй ді вылын. Та йылысь тӧргуйтысьяслы колӧ шызьӧдны америкаса власьт кутысь йӧзӧс.