МУКӦД ГОСУДАРСТВО СССР ДА ЯПОНИЯ КОСТСА ДОГОВОР ЙЫЛЫСЬ

ВЕНА. Австрияса, венгрияса да чехословакияса газетъясын тайӧ лунъясӧ ёна гижӧны СССР да Япония кост лӧсьӧдчӧм йылысь. Быдлаын чайтӧны — СССР, Япония да Китай пӧ босьтчасны водзӧ уджавны ӧтвылысь. Газетъяс шуӧны, тайӧ договор пӧ СССР-лӧн тайӧ воясӧ медся ыджыд вӧчӧмтор. Ӧнісянь СССР босьтіс ас киас Ылыса Асыввылын (на Дальнем Востоке) став правасӧ, кодъяс вӧліны войнаяс пансьытӧдз. Румынияса правительство зэв ёна жугыльмӧма СССР да Япония кост лӧсьӧдчӧм понда. Капиталист газетъясын гижӧны: ӧні пӧ Румыния дор Бессарабия йылысь сулалысь государство эз коль. Водзӧ пӧ надея Япония отсӧг вылӧ нинӧм виччысьны.