ПОШТА КУД

ВИЗИН, КАНЕВАЛЫ. Тэ пыр ыстӧм Абъячойын керсьӧм йылысь гижӧд газетӧ сюйны оз шогмы.

АНЫБ, ПАНЮКОВЛЫ. «Беглечыд» газетӧ сюйны оз шогмы.

СЫКТЫВКАР. КРЕСТЬЯНСКӦЙЛЫ. Тэ, зон, гижны уна гижӧмыд, сӧмын нинӧм абу шуӧмыд. Гижны колӧ сьӧлӧмсянь бура мӧвпалӧмӧн.

АЙКАТЫЛА, ПРОЕЗЖӦЙЛЫ. «Кӧні медуна юисны самӧкур» газетӧ сюйны нинӧмла. Босьтчылӧй ті вермасьны асьныд, газетад ёна нин самӧкур йывсьыд гижӧма.

ВОМЫН. ТАТЧӦСЪЯСЛЫ. Ыстӧм гижӧдъясыд газетын оз мунны.

СЫКТЫВДІНКАР. РОБУРЛЫ. Лямпа вӧчӧм йывсьыд да скипидар вӧчӧм йывсьыд статьяясыд оз мунны.

ПОМӦСДІН, В. ЧИСТАЛЁВЛЫ. «Пемыд олӧм» стихотворенньӧ сетім Коми Издательствоӧ.

ЫБ, СЫС. У., ТӦЖДЫСЬЫСЬ ИНВАЛИДЛЫ. Профсӧвет шуӧм серти январ 7 лунӧ учрежденньӧясын эз уджавны, сы пыдди уджалісны январ 6 лунӧ.

АБЪЯЧОЙ, А. ШУЧАЛИНЛЫ. Тэ, ёрт, серам вылӧ гижин али эн? Гижны кӧсйӧмыд кооператив ёнмӧдан тӧлысь йылысь, сы йылысь нинӧм абу гижӧмыд. Сӧмын ӧмӧй кооперативлӧн уджыс гӧрд флагъяс лӧсьӧдӧмӧн? Сэсся кӧ нинӧм? Гижӧдсьыд сӧмын помсӧ газетӧ босьтім.

АБЪЯЧОЙЫН «ГИЖӦ ПЕРӦЛЫ». Поп горшлуныд ӧд быдӧнлы тӧдса. Эз ков кӧсйысьны сы мында сетны. Со ӧд ещӧ сылӧн и пеня вылӧ горшыс воссьӧма. Газетын оз мун.

ВОЛСЯ. РАТНИК ПИЛЫ. Вӧлӧсьтувса земельнӧй суд йывсьыд газетӧ лэдзӧмысь нинӧм.

МОРДІН. ГАЗЕТӦ ГИЖЫСЬЛЫ. Ыстӧм гижӧдъястӧ лэдзим газетын. Ми тэнсьыд тшӧкыдджыка виччысям гижӧдъяс.

ОЗЁЛ. ИЧӦТОВЛЫ. Но, зонмӧ! Коді нӧ сэтшӧмыс тіян «ыджыд гӧна шапкаа» мортыс? Нолтӧ лючкиджык гижлы миянлы. Тшӧтш гиж ассьыд ним-вичтӧ. Приказчик йывсьыд оз мун. Позьӧ сійӧ аслыныд лӧсьӧдны.

КОМИ МОРТЛЫ. Тэ эськӧ, тыдалӧ, кужан гижны, да сӧмын кийывсӧнджык уджалан. Босьтчыв гижны сьӧлӧмсянь.

СІСЛЫ, ПОЁЛӦ. Газет судзӧдӧм йылысь ми пасйыштлім нин.

ДЕДОВЛЫ, СЮЗЯЫБӦ. Октябрина йылысь ми эгӧ казьтыштӧ газетын, зэв уна Обласьт пасьтасьыд воӧ татшӧм гижӧдъясыс да. Коркӧ ӧтпырйӧн унджык чукӧрмас да гижыштам газетӧ дженьыдика. Тэнӧ кутам лыддьыны корреспондентӧн. Эскӧдпас ыстам. Гиж.