КОЛӦ НИН МЕЗДЫСЬНЫ

Ӧні бур юр вежӧра йӧз казялісны нин ен йылысь лӧжсӧ. Уна попъяс нин юрсинысӧ шырисны, шуӧны: тырмас пӧ пемыд йӧзтӧ абутӧм еннад да святӧйяснад ылӧдлынытӧ. Уналаысь кывсьылӧ октябринаяс йылысь. Ми ногысь, медвойдӧр колӧ вӧлі эськӧ велӧдысьяслы шыбитны енлы эскӧм. Коми крестьянаыд ӧд, медся ёна нывбабаяс, зэв ёна видзӧдӧны на вылӧ. Кысь бара. Пожӧг пыр мунігӧн меным висьталісны, миян велӧдысьяс пӧ, Матюшова да Шахова, ёна на ен дорыд сулалӧны, зэв на пӧ ёна попасьӧны: кагаяснысӧ пыртӧны, молитваяс босьталӧны — сӧстӧммӧдчӧны.

Колӧ нин бур юр вежӧра йӧзлы мездыны асьнысӧ поп черань везъясысь!

Катша.