ВЫЛЬГОРТЫН

(Сыктыв уездын)

Кооперация.

Кооперативӧ (карса отделенньӧ) пырӧмаӧсь нин 143 шлен. Аслыныс кооперативсӧ оз восьтыны, вераыс абу мӧда-мӧд вылас, войдӧр кооперативас омӧля уджавлісны да, шлен сьӧмъясыс уна вошлӧма да. Зэв жӧ эськӧ колӧ восьтыны да: вӧлӧсьт ыджыд, олысь уна, уна эмӧсь быдпӧлӧс мастерӧвӧй йӧз.

Школа.

Воссис таво вӧлӧсьтын кык школа, воддза воясӧ тупкысьлӧмъяс. Ставыс ӧні вӧлӧсьтас нёль школа 1 ступ. Велӧдӧм мунӧ оръявлытӧг. Пес ломтыны эм, оз йӧрмыны, сӧмын пачьясыс пӧ оз шонтыны: велӧдысьяс, велӧдчысьяс ёна кынмӧны. Исполкомлы колӧ справитӧдны пачьяссӧ.

Кӧсйӧны лӧсьӧдны висьт сетан жыннян.

Шуасьӧны: колӧ пӧ вичкоысь вайны жыннян да ӧшӧдны исполком дінӧ. Жынняннас звӧнитӧмӧн пӧ сетны висьт йӧзыслы: скод вылӧ воны, пӧжар дырйи, сэсся час кучкавны, карын моз. Ме ногӧн, тайӧ колантор, бур делӧ!

Выльгортса.