КӦСЙӦНЫ УДЖАВНЫ ЛЕНИН ВЕЛӦДӦМ СЕРТИ

Париж. Францияса Коммунист партия Конгресс (съезд) вылын Трен вӧчис доклад став му вылын йӧз олӧм йылысь. Трен шуис: му вылын пӧ ӧні мунӧ вермасьӧм Америкаса да Англияса капиталистъяс костын. Ӧні пӧ найӧ мӧда-мӧдыслы вӧчалӧны тшупӧдъяс «небыдика сёрнитӧмӧн», но, регыд кӧ оз ӧзйы найӧ государствоясын революция, уськӧдчасны, тыдалӧ, мӧда-мӧдныс вылӧ оружйӧясӧн, война панӧмӧн.

Фашизм паськалӧм йылысь Трен шуис: быд капиталист государствоын буржуйяс киын пӧ ӧні став силаыс: войска, пӧлича. Эмбуртӧм йӧз заводитӧма быдлаын узьӧмысь садьмыны. Меньшевикъяс ӧні оз нин вермыны ылӧдлыны найӧс. Эмбуртӧм йӧз кыпӧдчӧны, найӧ нинӧмысь оз повны: пӧличаысь ни, пушкаясысь ни, фашистъясысь ни. Партиялы колӧ эмбуртӧм йӧзлы быд ногӧн отсавны ӧтувтчавны да велӧдны найӧс буржуйяскӧд да фашистъяскӧд вермасьны Ленин велӧдӧм серти.