ЛЕНИН ЁРТӦС КАЗЬТЫЛӦНЫ

Парижын вӧлӧмаӧсь митингъяс. Йӧз чукӧртчылӧма зэв уна. Висьталысьясӧс кывзӧмаӧсь сьӧлӧмсянь. Медся ёна сёрни мунӧма Ленин йылысь: кутшӧма сійӧ олӧма, кыдзи нэм чӧжыс мырсьӧма эмбуртӧм йӧзӧс мездӧм понда, кыдзи тшӧктӧма гӧль йӧзлы мездысьны буржуйяс кипод улысь. Коммунистъяс митинг вылын шуӧмаӧсь: Францияса коммунист партия пӧ сьӧлӧмсянь кӧсйысьӧ нуӧдны водзӧ удж Ленин велӧдӧм серти став му пасьта эмбуртӧм йӧз буржуйяс вылӧ кыпӧдчытӧдз.