В. И. ЛЕНИН ТОМ ДЫРЙИЫС

Ленин ёрт том дырйи вӧлі мунӧ народоволечьяслӧн удж. Сэк нин вӧлі Ленин ёрт сьӧлӧмсяньыс кутчысьӧ йӧз кост удж дінӧ. Сэки ёна сійӧ велӧдчис уджавны вокыслысь — Ӧльӧксаныслысь. Кутшӧм выльтор Владимир Ильич вӧлі кывлас, ӧдйӧнджык висьтавлас, юксяс кывлӧмнас ас кодь том ёртъясыскӧд. Быдлаын, кӧні сӧмын вӧлі позьӧ: гуляйтігӧн, садйын, тӧвнад ислалігӧн — чукӧртчывлам ас кост ёрт чукӧрӧн. Чукӧрын Ленин ёрт висьтавлывліс демократизм йылысь, крепостнӧй права йылысь, сьӧкыд сир курыд уджалысь йӧз олӧм йылысь. Ёна вӧлі сэки ас костын вензьывлам. Миян вензигъясӧн унджык йӧзыс Ленинладорын пыр вӧвлі. Ленин ёрт кужӧ сёрнинас тшӧктыны эскыны аслас кывлы. Сэки чукӧртчывлӧмъяс вӧвлі кыдзисюрӧ. Сӧмын сійӧ чукӧрын вӧвлӧм йӧзлӧн некор сэсся сёрнияс эз вунлыны. Кор вӧлі Володя Ульянов собранньӧяс вылӧ оз вермы волыны, собранньӧяс пыр и мӧд нога лоасны, пыр тӧдчас, мый юралысь, сёрни нуӧдысь абу. Олам, олам вӧлі сэки дай разӧдчам нинӧм вӧчтӧг.

Сідзи ми овлім 1888 воӧдз. Сэсся Ленин ёрт муніс Казаньӧ Университетӧ велӧдчыны.

Ленин ёртлӧн том дырйиыс нин тӧдчыліс, кыдзи сійӧ вӧлі кужӧ йӧзӧс ас дорыс сувтӧдны, ас гӧгӧрыс ӧтувтӧдны. Сійӧ кужӧмнас Ленин ёрт уджаліс нэмыс уджалысь йӧзлы олӧм кокньӧдӧм вӧсна, ловсӧ пуктіс на вӧсна да коммунист партия лӧсьӧдӧм бердын, чукӧртіс сійӧ партияӧ медбур вынсӧ уджалысь йӧз пӧвстысь.

Д. Бушуев.