ЧАСОВНЯ — КОМСОМОЛЛЫ

Колян юль тӧлысьын Ыбпом грездса крестьяна часовнясӧ сетісны комсомоллы. Комсомол сійӧс кытсюрӧ дзоньтышталіс да восьтіс сэтчӧ клуб, нимтіс «Калинин» нимӧн. Сэтӧн ӧні быд рыт эмӧсь лыддьысьысьяс. Вежалунъясӧ да праздник лунъясӧ чукӧртчылӧны олӧма войтыр. Сэн жӧ пуктывлӧны спектакъяс. Ужъя сиктын том войтыр лӧсьӧдӧны важ общественнӧй керка «Народнӧй дом» вылӧ. Вӧчлісны кык субӧтник. Уджалісны кызь морт. Кык лунӧн вӧчисны сцена. Мыйӧн сцена эштіс — первой рытнас жӧ вӧчисны спектак, пуктісны ворсӧм «Коді мыжа». Видзӧдысь вӧлі зэв уна. Водзӧ тшӧктісны бурджыка лӧсьӧдны да частӧджык ворслыны.