СО МЫЙ ШУӦМАӦСЬ КӦРТКЕРӦССА

Кӧрткерӧсса граждана асланыс конференция вылын шуӧмаӧсь: миянлы, крестьяналы пӧ, колӧ ӧтвылысь уджавны пабрик-заводъясын уджалысьяскӧд. Сӧмын тадзӧн, коммунист партия индалӧм серти, вермам кыпӧдны ассьыным дай асланым государствонымлысь овмӧс.

Овмӧс кыпӧдӧмкӧд тшӧтш колӧ быдӧнлы кутчысьны велӧдчыны. Мед ӧти морт велӧдчытӧг оз коль, бать-мамлы оз ков кутны челядьӧс школаясӧ ветлӧмысь. Локтан воясӧ кутчысьны выль школа вӧчӧм вылӧ кыскыны ас вынӧн кер.

Овмӧс да скӧт страхуйтӧм йылысь шуӧмаӧсь шыӧдчыны Обисполкомӧ став гырысь скӧтсӧ став вӧлӧсьтсьыс (вӧв, мӧс) 1925 во кежлӧ страхуйтӧм йылысь.

Мед эськӧ мӧда-мӧдлы позяс нюжйӧдлытӧг сетны отсӧг приччаяс суӧм бӧрын, сетны мӧда-мӧдлы отсасян комитетлы 25 урӧн быд овмӧс юрысь.