МӦДА-МӦДЛЫ ОТСАСЯН КОМИТЕТ ВОСЬТАМ

Декабр тӧлысьын вӧлӧсьтаным (Висерын) вӧлі беспартийнӧй крестьянскӧй конференция. Сэтӧні карысь воӧм ёрт уна висьталіс мӧда-мӧдлы отсасян комитет йылысь, тшӧктіс сэтшӧм комитетсӧ восьтыны тшӧтш и миянлы. Эз ӧд кӧсйысьны восьтыны, огӧ пӧ вермӧй (тыдалӧ, висерсаясыд озырӧсь, ньӧтчыд немторйысь оз чайтны йӧрмиг). Ми, сюзяыбсаяс, думыштім гортын нин став бурсӧ комитет помсьыд, шуим восьтыны сійӧс асланым лавка бердӧ. Юралысьлы тшӧктім корсьны сьӧм, подписка листӧн ли кыдзи ли. Сэтӧні жӧ шуим сетны комитетлы поп-дяк вӧдитан видз.

Надейтчам, тайӧ бур удж ыдждас, паськалас миян. Кусны огӧ сетӧ.