ШКОЛАЯСЫН ВЕЛӦДЫСЬЯС СЪЕЗД ВЫЛЫН

МӦСКУА. Ставсоюзса школаясын велӧдысьяс съезд вылӧ локтӧма Франциясянь Гейнберг. Сійӧс ыстӧма Мӧскуаса съезд вылӧ Парижса Интернационаллӧн Исполкомыс. Тайӧ Интернационалас ӧтувтчӧмаӧсь ставмувывса школаясын велӧдысьяс. Съезд вочаалӧма (встретитӧма) Гейнбергӧс зэв сьӧлӧмсянь. Гейнберг локтӧм бӧрын съездлы вӧчис доклад Всеработпросын юралысь Коростелев. Коростелев шуис: миян Сӧвета союз пӧ ёна на гӧль. Содтыны жалӧванньӧ школаясын велӧдысьяслы тырмидз оз на вермы. Воддза вояс серти ӧні жалӧванньӧ ёнакодь нин содтӧма. 1922 воын карса велӧдысьяслы мынтӧмаӧсь 11 ш. 48 урӧн тӧлысь, ӧні налы мынтӧны 25 шайтӧн тӧлысь. Тадзӧн водзысь водзӧ и кутас содны жалӧванньӧ.