РАДИЧ АБУ МЫЖА

ВЕНА. Загреб карса суд январ 12 лунӧ шуӧма помавны Радич да сійӧ ёртъяс йылысь следствие нуӧдӧм. Суд шуӧ, некутшӧм мыж пӧ абу налӧн и дзик нинӧмысь пӧ судитнысӧ. Радичӧс кутӧны арест улын сӧмын юасьысь следовательӧс пыдди пуктытӧм понда, тадзи тай шуӧны-а. Чайтӧны, правительство пӧ кутас арест улын парламентӧ бӧрйысьӧм помасьтӧдз.

Загребса полицеймейстер шыӧдчылӧма Загребса судын юралысь дорӧдз, позяс оз пӧ парламентӧ бӧрйысигӧн ӧтдортны Радич партияса кандидатъясӧс. Судын юралысь ыстӧма воча юӧр, парламентӧ пӧ позьӧ бӧрйыны быдӧнӧс коммунистъясысь ӧтдор. Тадзӧн Загребса суд абу кывзӧма правительстволысь Радич партия тупкӧм йылысь тшӧктӧм. Правительство матігӧгӧрын уджалысьяс ёна шызьӧмаӧсь. Январ 12 лунӧ министръяс сёрнитӧмаӧсь Радич йылысь да Загребса суд йылысь. Правительство кыдз-мый вермӧ корсьӧ Радич партияӧ кутчысян вороп.