ПИОНЕРЪЯССЯНЬ «ЮГЫД ТУЙЛЫ» ЧОЛӦМ

Позтыын (Кулӧмдін уездын) пионеръяслӧн эз вӧв сьӧм газет судзӧдӧм вылӧ. Ӧні чукӧртім гижӧдӧн (подписнӧй листӧн) квайт чӧлкӧвӧй да медводз корим ассьыным «Югыд туй». Ми рочӧн омӧля гӧгӧрвоам. Комиӧн зэв лӧсьыда вермам лыддьыны. Коми газет лэдзӧм миянлы зэв буртор. Сійӧ миянӧс тӧдмӧдӧ ставмувывса олӧмкӧд. Ыстам «Югыд туй» редакциялы зэв ыджыд чолӧм дай аттьӧ.

Васька Иван.