ГЫРЫСЬЯСЛӦН ВЕЛӦДЧӦМ

Асьныс ӧні аддзисны

Волся вӧлӧсьтын (Сыктыв уездын) ноябр 1-ӧд лунӧ воссис гырысь йӧзӧс велӧдан школа. Школаын велӧдчыны вӧлі колӧ 25 морт том йӧзлы 12 арӧссянь 17 арӧсӧдз. Школаын велӧдчысьыд чукӧрмис 39 морт.

Ӧні велӧдчысьяс кужӧны нин лыддьыны-гижны комиӧн и рочӧн. Пӧрысьяс вӧлі шуӧны: этша нин пӧ гырысьясыд пӧра кольӧм бӧрад велӧдчан. Ӧні найӧ аддзисны — велавны позьӧ быдӧнлы — гырысьлы и, поснилы и. Сӧмын эн дышӧдчы. Велӧдысь Кузьбожев ёрт висьталӧ: первойсӧ пӧ велӧдчысьяс дышӧдчылісны (эз, буракӧ, надейтчывны велалӧм вылӧ), ӧні пӧ зэв зіля кутісны велӧдчыны.

К.