ПОСНИ ЧЕЛЯДЬ ОТСАЛӦНЫ

Декабр 19-ӧд лунӧ Кӧтшпомса (Сыктыв уездса) школаын велӧдчысьяслӧн вӧлі собранньӧ. Сэні миянлы велӧдысьным висьталіс капиталист государствоса тюрмаясын пукалысь революционеръяс йылысь. Ми шуим отсавны налы, кокньӧдыштны олӧмнысӧ да чукӧртім сьӧм. Чукӧрмис сьӧмыс ставыс 4 шайт да 90 ур. Сійӧ сьӧмсӧ ыстім МОПР Обкомӧ.

Ми чуксалам мукӧд школаса посни челядьӧс миян моз тшӧтш отсавны капиталист тюрмаясын пукалысь революционеръяслы.

Велӧдчысьяс.