НЫВБАБА КОСТЫН УДЖ КАЖЫМЫН

Декабр 15-ӧд лунӧ нывбабаяслӧн вӧлі собранньӧ. Сэні висьталісны кооператив йылысь. Нывбабаяс шуисны: рабкопса (рабочӧйяслӧн кооператив) правленньӧ пӧ ӧнӧдз нывбабаяслы колан тӧвар омӧля ваявліс. Медводз тӧвар сетавлісны рабкопса уджалысьяс дінын матынджык сулалысь йӧзлы. Водзӧ кежлӧ нывбабаяс шуисны корны рабкопӧс, мед сійӧ ваялас коланджык тӧвар, мед ӧткодя видзӧдас аслас удж нуӧдӧмӧн мужчина вылӧ да нывбаба вылӧ. Сэсся корисны, мед локтан гожӧм рабкоп восьтас челядьлы ясли либӧ кутшӧмкӧ мастерскӧй. Пырисны рабкопӧ шленӧн выль 8 нывбаба.

Тайӧ жӧ собранньӧ вылын нывбабаяс шуисны велӧдны политграмота. Сійӧ пӧ ёна колантор. Политграмота школаӧ гижсисны 12 нывбаба.

Пр.—к.