ДОПРИЗЫВНИКЪЯСӦС ВЕЛӦДӦМ

Тайӧ лунъясӧ миян Обласьтын кутасны чукӧртны велӧдӧм вылӧ допризывникъясӧс. Ӧні кутасны велӧдны 1903 вося да 1904 восялысь джынсӧ том йӧзӧс. Велӧдӧм нюжалӧ тӧлысьӧн-джынйӧн.

Сӧвет власьт уджалысь йӧзлы армияын служитӧмсӧ быд ногӧн зільӧ кокньӧдны. Гӧрд Армияын ӧні том йӧз служитӧны этша, сӧмын кык во. Кык воӧн сьӧкыд тӧдмавны военнӧй удж. Сы вӧсна и лӧсьӧдӧма том йӧзӧс велӧдӧм армияӧ босьттӧдз, велӧдӧм ылӧ нутӧг, аслас сиктын либӧ матысса сиктъясын. Тайӧ велӧдӧм бӧрын том йӧз мунӧны Гӧрд Армияӧ военнӧй удж неуна тӧдӧмӧнджык нин, налы кокниджык сэні лоӧ водзӧ велӧдчыны. Сэсся том йӧзӧс военнӧй удж кындзи кутасны тӧдмӧдны политикаӧн. Сійӧ ёна жӧ колантор быдӧнлы.

Ӧні коми том йӧзлӧн велӧдчыны медэштан кад. Велӧдны кутасны регыд, сӧмын тӧлысьӧн-джынйӧн.

Ми надейтчам, коми йӧз ставныс ӧтмоза ыстасны ассьыныс пияннысӧ велӧдчыны сборнӧй пунктъяс вылӧ.

Ми надейтчам, том йӧз ставныс локтасны военнӧй уджсӧ велӧдчыны, весиг ӧти оз кут пышъявны, ставныс велӧдчасны бура, лӧсьӧдчасны мунны Гӧрд Армияӧ, кор воас кад, гӧгӧрвоысь вежӧра мортъясӧн.

Ж-ль.