БЫДЛАЫСЬ ВӦТЛӦНЫ

Кобраын (Койгорт вӧлӧсьтын) попаліс Тикӧн манак кольӧм арсянь ӧнӧдз. Ӧні Кобраса сійӧс вӧтлісны со мый понда. Тикӧн шуӧ, доход пӧ зэв ичӧт, этша йӧз кулӧм понда. Ёнджыка кӧ пӧ йӧзыд кулӧ — доходыд содӧ. Доход содтытӧг пӧ водзӧ попавны ог вермы.

Со кутшӧм адгоршыд, йӧз кулӧм вылӧ радлӧ. Мужикъяс поплысь сёрни кывзісны да шуисны: некутшӧм содтӧм йӧз кулӧм вылӧ радлысь попыдлы оз ло. Убирайтчы пӧ ми дорысь.

Микӧла лунӧ Тикӧныд служитӧма Койгорт вичкоын. Сэні абу поп ни дяк. Дяк пыдди сьылӧма кузнеч Васька.

Кузнеч мортыд вичкоад сьывны абу, тыдалӧ, велавлӧма. Поп равзӧ вӧлтарын, кузнеч кырлӧсын — кодныс кыдзи кужӧны. Ёна вичкоӧ волысь йӧз и серавлӧмаӧсь да бӧрыннас шуӧмаӧсь: нинӧм пӧ пӧльза абу вичкоысь да попъясысь.

Кузнечлы шуӧмаӧсь тӧдны ассьыс дорччан уджсӧ, а Тикӧнӧс... вӧтлӧмаӧсь.

Сідзи и колӧ.

Безбожник.