НЫВБАБА КОСТЫН УДЖ АБЪЯЧОЙЫН

(Сыктыв уездын)

Декабр тӧлысьын, 14 лунӧ, вӧлі делегаткаяслӧн собранньӧ. Чукӧртчылісны 25 делегатка да 5 мукӧд нывбаба. Сёрнитісны кооперативъяс йылысь да мӧда-мӧдлы отсасян комитет йылысь. Став делегаткаыслы шуисны пырны кооперативӧ шленӧн. Нуӧдны тайӧ тӧлысяс удж мукӧд нывбаба костын да кыскыны найӧс тшӧтш кооперативӧ. Мӧда-мӧдлы отсасян комитет йылысь: ми пӧ, делегаткаяс, аддзам мӧда-мӧдлы отсӧгысь бурсӧ, сійӧ пӧ колӧ миян ёнджыка кыпӧдны. Ми пӧ кодъяс кӧзяйкаяс гортынӧсь, ставным пырам шленӧ комитетӧ, тшӧктам пырны мужикъяснымлы. Тайӧ жӧ собранньӧ вылын бӧрйисны кык газетӧ гижысьясӧс нывбаба кост олӧм йылысь гижны. Коми аньяс, мунӧ Абъячойса делегаткаяс туйӧд, мырсьӧ овмӧс кыпӧдны ӧтув! Сӧмын ӧтув уджӧн ми вермам регыдджык кыпӧдны бур олӧм.

Пр—кан.