КООПЕРАЦИЯ КЫПӦДАН УДЖ

МОРДІН вӧлӧсьтын (Кулӧмдін уездын) эм куим кооператив (Лопыдінын, Мордінын да Коншаын).

1. ЛОПЫДІНСА кооперативын вӧлі 136 шлен. Кооперация кыпӧдан удж дырйи пырис выльысь 26 морт; на пиысь 12 нывбаба. Ӧні став шленыс сэні 162. Керкаыс ставыс 138. Сідзкӧ сэні ӧти шлен дорысь нин унджык воӧ быд керка юрӧ.

2. МОРДІНСА кооперативын вӧлі 108 шлен. Ӧні пырис 42 шлен. На пиысь пырисны 18 нывбаба. Ставыс ӧні 150 шлен. Керкаыс Мордінас 127. Сӧмын кӧ ӧти Мордін лыддьыны, быд керка юрӧ нин воӧ шленӧн. Мордінса кооперативысь босьтасьӧны ещӧ Четдінса крестьяна. Сэтысь зэв на этша пырӧма шленас (12 морт), а керкаыс ставыс 97. Найӧ ӧні корӧны асланыс сиктӧ восьтыны кооператив. Сэки гижсьӧны ветымын кымын шлен.

3. КОНШАСА кооперативын вӧлӧма 70 шлен. Ӧні пырӧма выль шленыс 8. Выльысь пырысьяс пиын квайт мортыс нывбаба. Керкаыс ставыс сэні — 50. Коншаса кооперативын ещӧ шленъясӧ пырӧмаӧсь Даньса крестьяна. Сэні 60 керка. Шленӧ кооперативӧ пырӧма морт 20. Мукӧдыс эськӧ окотитӧны жӧ пырны, да сьӧмныс ӧні абу на. Ӧні заводитчӧны кер лэдзны. Дерт, сыысь сьӧм босьтӧм бӧрын уна на пырасны. Быд сиктын йӧзыс ёна зільӧны кооперативӧ шленӧн пырны да босьтасьны сэтысь. Сэні тӧварыс меддонтӧм. Эм эськӧ мукӧд лавкаяс: союз охотылӧн да Хлебопродуктлӧн, сӧмын сэні тӧваръяс зэв донаӧсь.

Йӧзыс ставыс нин гӧгӧрвоны кутіс кооперативлысь коланлунсӧ да бурлунсӧ, зільӧны сэтчӧ пырны.

Газетӧ гижысь.