ЛЕНИНГРАД БАРА ОЙДЛӦМА
Январ 3 лунӧ, 9 час рытын уна завод ойдӧма ваӧн. Недыр мысти сувтӧмаӧсь трамвайяс. Нева шуйгавыв берегса (
Фонтанка да Мойка юяс петӧмаӧсь кырйысь. Заводитӧма ойдны Путиловскӧй завод. Садовӧй улича кузя дугдӧмаӧсь ветлыны трамвайяс. Ва туӧма 7 фут да джын мында. Невскӧй проспектын (Фонтанка гӧгӧрын) пӧдвалъясын олысьяслы лоӧма пышйыны ойдӧмла. Петергофсянь юӧртӧны, тӧлӧн пӧ Финскӧй заливсьыс орӧдӧма зэв ыджыд йи пласт да нуӧ сійӧс Ленинград вылӧ. Дас ӧти час гӧгӧрын ва босьтчӧма ямны. Ямӧ ӧдйӧкодь.
Полӧны выльысь ойдӧмысь.
Январ 5-ӧд лунӧ, 11 час асылын, лишнӧй ва кольӧма сӧмын нин 2 фут да 7 дюйм.
Вермас ещӧ мунны татшӧм тӧв нырыс. Сы понда полӧны выльысь ойдӧмысь. Уна-ӧ лоӧма убыткаясыс, абу на лыддьӧма.
Ва дзикӧдз ямӧма.
Медбӧръя юӧръяс серти, Ленинградын ва дзикӧдз ямӧма. Рабочӧйяс кар ойдлігӧн ёна мырсисны ваысь заводъяс видзӧм вылын. Йӧзлӧн олӧм карын эз торксьыв. Убыткаяс ойдлӧм понда, тыдалӧ, оз ло уна. Заводъяс абу жугавлӧмаӧсь. Доймалӧм да кулӧм йӧз ва тулӧм понда эз вӧв.
