СО КЫДЗИ КӦСЙӦНЫ КРЕСТЬЯНАӦС ДУГӦДНЫ

ВАРШАВА. Польшаса министр Тугут помещикъяс гуся чукӧртчылӧм вылын шуис: миян правительство пӧ асыввывса гранича бердын кӧсйӧ лӧсьӧдны крестьяна пӧвстын мӧда-мӧдныслы пӧрука сетӧм помещикъяс вылӧ усьласьӧм вӧсна. Рытыввывса Белоруссияса коммунист партиялӧн Центральнӧй Комитетыс тайӧ кӧсйӧм кузя шуис: польшаса правительство кӧ пӧ лӧсьӧдас татшӧм пӧрукасӧ, заводитас кӧ виавны крестьянаӧс да сотны налысь овмӧссӧ, коммунист партиялы ставнас ӧти морт моз лоӧ сувтны крестьянаӧс тадзикӧн виалӧмлы паныд. Сэки мӧда-мӧдыслы пӧрука лӧсьӧдӧмӧн кузя пӧличаясӧн виӧм крестьянаяс вӧсна кыв видзасны польшаса помещикъяс, ксёндзъяс (католик попъяс) да чиновникъяс.