ЛЫДДЬЫСЯН КЕРКА УДЖАЛӦ

Слӧбӧдаын (Емдін уездын, Удораын) лыддьысян керкаын удж мунӧ бура. Волывлӧны олӧма йӧз, том йӧз. Лыддьысьӧм кындзи овлывлӧ тшӧкыда докладъяс. Тайӧ бӧръя кык тӧлысьӧн вӧчӧма 52 доклад: медунасӧ му-видз уджалӧм йылысь, сэсся кооперация йылысь, ен йылысь, политика йылысь. Кык тӧлысьӧн лыддьысян керкаӧ волісны 990 морт. Матысса сиктъясын лыддьысян керканыс абу. Миян удж вылӧ видзӧдӧмӧн и сэні йӧзыс кутісны шуавны керка восьтӧм йылысь.

Слӧбӧдаса.