ВӦЛӦМАӦСЬ НА ТАЙ ӦТКЫМЫН

Оз ков тадзи.

Миян Кӧтшпомын эм кык учитель. Школаӧ найӧ дыша волывлӧны. Сёр локтӧны, водз мунӧны. Челядь костын некутшӧм буртор оз кутчысьны вӧчны. Луннас ассьыныс час лыдсӧ тыртасны — котӧртӧны гортӧ. Быттьӧ удж налӧн помасис. Сиктса собранньӧ вылӧ оз петкӧдчывны. Школалы мый колӧ, кутшӧма челядьӧс велӧдӧны висьтавлӧм абу. Крестьяна костын налӧн Сӧвет власьтӧн удж нуӧдӧм йылысь сёрни оз овлы. Ӧти учительсӧ — Титовасӧ — мукӧд сиктса крестьяна оз и тӧдны весиг.

Тадзи абу лӧсьыд.

Лэбач.