ВЫЛЬ НОГӦН КАГАӦС ПЫРТІСНЫ

Мокчойын (Изьва уездын) кольӧм во октябр тӧлысьын ӧти коммунист аслас кагалы вӧчис Октябрина (выль ногӧн пыртчӧм). Йӧзыс чукӧрмис сэтчӧ зэв уна. Медуна нин нывбабаясыс локтісны. Октябрина вылын висьтавлісны важ ног да выль ног пыртчӧм йылысь, мыйӧн найӧ мӧда-мӧдсьыс торъялӧны. Комсомол ячейкасянь висьталысьыс шуис: ми пӧ тайӧ кагаӧс выль ногӧн пыртам, выль ногӧн быдтам дай велӧдам овны. Мокчойса сельскокӧзяйственнӧй артель кӧсйысис кагалы лӧсьӧдны паськӧм. Кагалы унджык йӧз шуӧм серти пуктісны ним — Октябрина (ныв кага вӧлі).

«Со дивӧыс», — шуӧны нывбабаяс. «Со дивӧыс», — бара шуасны. «Мый торъя дивӧыс, — шуӧны мукӧд йӧз, — некутшӧм дивӧ абу. Та ногӧн лӧсьыдджык на пыртны кагатӧ».

Кык пеля.