КАЗЯЛӦМАӦСЬ ЫЛӦДЧӦМСӦ

Берлин. Мукӧд государствоса газетӧ гижысьяскӧд сёрнитігӧн министр Штреземан шуӧма: ми пӧ Лондонын Дауэс план серти Антантакӧд лӧсьӧдчӧм бӧрын чайтам вӧлі водзӧ бура олӧм вылӧ, ӧні Антанта посолъяс юӧртісны Германияса правительствоӧс водзӧ ас кианыс Кёльн кар гӧгӧр кутӧм йылысь. Дауэс план серти, колӧ вӧлі налы ӧнӧдз нуӧдны сэтысь ассьыныс войскасӧ, найӧ водзысь водзӧ нюжйӧдлӧны. Миянлы пӧ эськӧ Антантакӧд лӧсьӧдчигӧн коммунистъяс да националистъяс шулісны — Дауэс планнад пӧ сӧмын ылӧдчӧны, да ми эгӧ кывзӧ найӧс. Водзӧ оз кӧ судзсьы Кёльн йылысь Антантакӧд кыв, позьӧ шуны, мый Дауэс план дор сулалысь йӧз ёна ворссисны Лондонса лӧсьӧдчӧмӧн.