ЫДЖЫД АТТЬӦ!
Менам ним вылӧ ӧні кутіс воны «Югыд туй» газет. Нэм чӧж эг судзӧдлы газет, ӧні вайӧны гортӧдз. Менӧ дивӧ босьтіс. Пыравлі редакцияӧ, сэні шуисны: судзӧдіс пӧ газет менам ним вылӧ тӧдтӧм морт.
Ыста тӧдтӧм ёртлы зэв ыджыд коми аттьӧ. Мед эськӧ татшӧм тӧдтӧм мортъясыс лоӧны унджык миян Обласьтын, мед унджык пемыд олысьясӧс босьтчасны югдӧдны да выль ног овны велӧдны.
Ӧнӧдз миянӧс, пемыд йӧзӧс, поп-дяк ылӧдлісны быд ногӧн, повзьӧдлісны адӧн, олісны миян пӧсьӧн перйӧм грӧшъяс вылӧ. Тырмас водзӧ тадзтӧ овны!
Велӧдчӧм йӧз, отсалӧй миянлы, пемыд коми крестьяналы, «Югыд туй» пыр корсьны югыд долыд олӧм!
Выльгортса крестьянин
