ПАНӦНЫ ПЕМЫД УДЖ

ТОКИО (Японияын). «Осака» газетӧ гижысь (корреспондент) Пекинсянь сетӧма татшӧм телеграмма: «Китайса представитель Мӧскуаын гижӧма аслас правительстволы, быттьӧ пӧ СССР-ын мунӧ мобилизация Гӧрд Армияӧ. Ыстыны Гӧрд Армиясӧ быттьӧкӧ кӧсйӧны асыввывса китайскӧй кӧрт туй бердӧ».

Тыдалӧ, Япония тайӧ нинӧм абусӧ гижӧ газетъясӧ, медым сылы позяс бара кыпӧдчывны Манчжурияын, гашкӧ, кӧсйӧ кыпӧдчывны ӧтвылысь мукӧд капиталист государствояскӧд. Тыдалӧ, найӧ кӧсйӧны кыпӧдчыны сійӧ кадӧ, кор Китайын йӧзыс шуасны лӧсьӧдны куш китайса йӧзӧс дорйысь (национальное) правительство. Сійӧ правительствоыс оз нин кут кывзыны да мунны мукӧд капиталист государствояс тшӧктӧм серти.