ОЗ НА КӦСЙЫНЫ ВЕСАСЬНЫ

ПАРИЖ. Министръяслӧн вӧлі заседанньӧ. Сэні Эррио висьталіс англияса правительствосянь воӧм гижӧд (нота). Англияса правительство тшӧктӧ Франциялы мырддьӧм Кёльнскӧй обласьтысь (Германияын) войскасӧ не петкӧдны на. Эррио шуис: миян пӧ эмӧсь ӧткымын юӧръяс; сы серти пӧ миянлы некыдзи на оз позь петкӧдны январ 10 лун кежлӧ сэтысь войсканымӧс (тайӧ лун кежлас колӧ вӧлі петкӧдны воддзаджык договор серти). Междусоюзнӧй Контрольнӧй Комиссиялы пӧ сюрлі Германияысь выль гуся складъяс оружйӧ тырӧн. Тайӧ пӧ ещӧ на ёна петкӧдлӧ, мый ми огӧ на вермӧ эновтны Кёльнскӧй Обласьт. Министръяс Эрриолысь шуӧмсӧ ошкисны.