КӦЙДЫС ВЕСАЛӦМ

Кӧйдыс весавны медбура позьӧ машинаясӧн. Сӧмын сійӧ машинаыс быдӧнлы оз на вичмы. Уна сиктын на эз аддзывны дай оз тӧдны тайӧ машина йылысь. Тӧдӧны сӧмын гырысь вӧлӧсьтъясын.

Тані ме кӧсъя висьтавны крестьяналы, кыдзи ме колян во весавлі кӧйдыс. Тувсов кӧдза дырйи босьті ме кык лун войдӧр кӧдзтӧдз 4 ведраа пельса. Пельса джынйыс кисьті ва, сэсся пукті ид кӧйдыс пуд гӧгӧр дай тэльӧбӧн гудралі. Гудралӧм бӧрын став коньӧр ид тусьыс да лёк турун кӧйдысыс вылӧ кайисны. Сійӧс ставсӧ ме кӧвті да мӧд дозйӧ пукті. Тадзи гудралӧмӧн зэв ӧдйӧн став лёк кӧйдыссӧ весалі. Сэсся васӧ пельсаысь кисьті, идсӧ мешӧкӧ сӧвті. Пельса пыдӧсӧ бара на вӧлі кольӧма тӧрича да мукӧдтор. Весалӧм кӧйдыссӧ косьтытӧг мешӧкын тувйӧ ӧшӧдӧмӧн видзи кык лун, сэсся кӧдзи му вылӧ. Кӧдзигӧн ид тусьяс вӧлі ставыс нин нырсялӧма. Му вылын ид чужис ставыс дай петіс ӧтмоз. Нянь вӧлі бур тушаа, ёна юра, ёг ньӧти эз вӧв.

Тадзи весавны кӧйдыс ме тшӧкта видлыны мукӧд крестьяналы. Агрономъясӧс кора крестьяналы гижны кӧйдыс весалӧм йылысь газетӧ.

Висерса крестьянин Дедов.