ВИТ ВО ТЫРАН ЛУН

Мӧскуа. Декабр 26-ӧд лунӧ вӧлі заседанньӧ пемыдлункӧд вермасьны декрет петӧмсянь вит во тырӧм лун кузя.

Калинин ёрт шуис: Ленин нэмыс вермасис лӧсьӧдны став йӧз костын ӧткодя олӧм (равенство). Сӧмын татшӧм олӧмыс оз вермы лоны, кытчӧдз оз быр пемыдлун (неграмотность). Грамотаӧ велӧдчыны весиг деревняясын ӧні воддза дорысь ёнджыка йӧзыс кутчысьӧны. Ӧні весиг нывбабаяс-крестьянкаяс кыпалісны олӧмнаныс, уналаын нин найӧ весиг газетъясӧ гижӧны. Колян вит вонас ми бура уна удж вӧчим пемыдлун бырӧдӧм понда. Локтан вит вонас ковмас кык мында, куим мында унджык вӧчны, медым сэк кежлӧ эз вӧв миян Сӧветскӧй Республикаын велӧдчытӧм морт.

Коминтерн нимсянь чолӧмбыттьӧ видзис Клара Цеткин. Сійӧ шуис: кӧні йӧзыс ӧтитӧг велӧдчытӧмӧсь, революция сэні оз вермы ёнмыны. Быд воськовтӧм грамоталань матыстӧ уджалысь йӧзӧс мездысьны капиталистъяс кипод улысь.

Велӧдчысьяс нимсянь кыв висьталіс тотара сёрниӧн Бикчурина (нывбаба): сӧмын пӧ став йӧзӧс грамотаӧ велӧдӧм мысти ми вермам асыввывса нывбабаясӧс мездыны лёк олӧмысь (рабствоысь).