ЭНӦ ВОӦ МЫЖДЫСЬӦМӦДЗ ВОТ МЫНТЫТӦМЛА

Таво вот мынтыны лӧсьӧдӧма нёль срок. Дерт, сійӧ кадъяс кежлӧ кокньыд мынтыны: вот пуктӧмсянь (урчитӧмсянь) медбӧръя кадӧдзыс костыс сизим тӧлысь, вочасӧн позьӧ лӧсьӧдны сьӧм нажӧтка помысь.

Оз ков сӧмын вунӧдны ӧтитор: кымын водз мынтан кадсьыс воттӧ, сымын сэтысь бурыс миянлы аслыным воас. Кутшӧм бур, огӧ нин кутӧ сэсся гижны, сы йылысь ёна нин гижлӧма и висьталӧма, сы йылысь ми быдӧн нин гӧгӧрвоим.

Миян Обласьт кузя вот мынтыны медводдза срокыс вӧлі декабр 1-й лунӧ. Сэк кежлӧ вӧлі колӧ мынтыны 30% став вотсьыс.

Миянлы уналасянь гижалӧны: сійӧ пайсӧ эз ставныс мынтыны кад кежлас. На пиысь эмӧсь весиг сэтшӧм йӧз, кодъяс вермӧны вӧлі, да эз мынтыны, ыръянитісны. Вот мынтысьтӧм йӧзлысь миян правительство тшӧктӧ перйыны вотсӧ кад кольӧм бӧрас мырдӧн. Сэтшӧмъясыслӧн овмӧсыс гижавсьӧ да мынтытӧм вот пай доныс вузассьӧ тӧргӧн; эм гижӧд правительствосянь, код серти позьӧ штрапуйтны 25 шайтӧдз. Татшӧм мыжъяснас, дерт, колӧ дай лоӧ мыждыны мынтысьтӧм йӧзтӧ.

Матысмӧ нин мӧд срок вот мынтыны — февраль 1-й лунӧ. Сэк кежлӧ колӧ нин воттӧ мынтыны тшӧктытӧг, медым некод эз сюр мыж улӧ вот мынтытӧмысь.

ДЗИМБЫР.