БЫДӦНЛЫ КОЛӦ

Ношуль вӧлӧсьтын (Сыктыв уездын) ӧні мунӧ МОПР-лы, ОДВФ-лы да Доброхимлы отсасьӧм. Став Ношуль вӧлӧсьт письыс тайӧ уджӧ чукӧстчис сӧмын ӧти Косьвӧлӧк сикт. Сэні быд керкаысь сетісны куим пунт няньӧн. Няньсӧ вузалім да босьтӧм сьӧмсӧ сетім нин кытчӧ колӧ. Аттьӧ Косьвӧлӧкса йӧзлы.

Абу лӧсьыд мукӧд сиктса йӧзлы кольччыны отсӧг сеттӧг. Вӧтчӧй быдӧн Косьвӧлӧкса ёртъяс бӧрся.

Ст. Сергиевский.