КАЖЫМСА ДЕЛЕГАТКАЯСЛӦН УДЖ

Ноябр 30-ӧд лунӧ Кажым заводын вӧлі делегатскӧй собранньӧ. Сэні висьтавлӧмаӧсь вӧлӧсьтувса комитет взаимопомощи йылысь, колӧ оз пырны сэтчӧ шленӧ нывбабалы да кутшӧм ыджыд пӧльза сійӧ сетӧ гӧль йӧзлы. Делегаткаяс шуӧмаӧсь декабр 1-й лунсянь ставлы пырны комитет взаимопомощиӧ шленӧ да сідзи жӧ нуӧдны удж мукӧд нывбаба костын, медым и найӧ пырасны шленӧ.

Визин карулын первой тадзисӧ шулісны пырны Визинса делегаткаяс, да ӧні ставныс шленынӧсь.

Визинса бӧрся босьтчисны Кажымса, ӧні ӧчередь воис мукӧд делегаткаяслы; ми виччысям Кажым бӧрын пырӧм шленӧ: Нювчимлысь, Чернышлысь, Абъячойсалысь, мукӧдлысь, став коми делегаткаяслысь. Энӧ жалитӧй вит пунт сю десятинаысь, сійӧ вермас мынтыны быд гӧль морт, вит пунт сю оз вош. Вит пунтнас десятинаысь чукӧрмас уна, унаӧс жӧ вермам мездыны нуждаысь, приччаысь. Энӧ видзӧдӧй озыр йӧзлысь шӧпкӧдчӧмсӧ, налы, дерт, абу любӧ гӧль йӧзыдлӧн ӧтувтчӧмыд; аддзӧны ӧд: гӧль йӧзыд ӧтувтчӧмнаныс кодйӧны паськыд рушкуа кулакыслы гу.

Пр-кан.