КООПЕРАТИВӦ ЙӦЗ СОДІС

Кооперацияӧс кыпӧдан удж Ношульын воссис декабр 6-ӧд лунӧ. Удж кыпӧдысьясыс, нуӧдысьясыс вӧліны Сыктыв уездса Исполкомын шлен Попов ёрт да Обсоюзса инструктор Чевскӧй ёрт. Удж нуӧдны ёна отсалісны Ношульса велӧдысьяс, Волисполкомас да кооперативас служитысьяс. Декабр 6-ӧд лунӧ разӧдчисны найӧ Ношуль вӧлӧсьтса сиктъясӧ нуӧдны собранньӧяс. Тӧдмӧдалісны, висьтавлісны сэні йӧзлы кооперация йылысь, мыйла сійӧ лӧсьӧдӧма, мый ыджда бур сыысь. Собранньӧяс вывъясын лючки висьтавлӧм эз весьшӧрӧ вош. Кооперативӧ пырисны 120 выль морт. Войдӧр пырӧмыс вӧлі 180 морт.

Видзӧдысь.