КЫПӦДІС ЙӦЗӦС ЮГДӦДАН УДЖ

Кутшӧма таво миян Дереваннӧйын (Кулӧмдін уездын) олӧмыс вежсис. Колян во вӧлі дзик на важ нога олӧм. Йӧз вичкоын сьылӧм кындзи нинӧм эз тӧдлыны. Школаясын сідз жӧ омӧля вӧлі уджсӧ пуктӧма.

Таво миян школаӧ локтіс выль велӧдысь — Савин ёрт. Сійӧ коммунист, коммунист ячейкаын секретарын. Школа удж кок йылас сувтӧдіс дай йӧз пиын ёна уджалӧ. Том йӧзлысь синъяссӧ восьтіс. Лӧсьӧдіс важ поп керкаӧ нардом. Том йӧзкӧд дзоньталісны керкасӧ. Восьтіс сэтчӧ лыддьысянін, библиотека, кружокъяс лӧсьӧдаліс. Ӧні том йӧз быд рыт нардомынӧсь: лыддьысьӧны, сёрнитӧны унатор йылысь. Вӧскресенньӧясӧ спектакъяс пукталӧны. Нывбабаяс — делегаткаяс — быдтор йылысь локтӧны Савин ордӧ юасьны. Савин ёрт индалӧ налы туй.

Савин ёрт аслас бура уджалӧмнас ӧти‐куим тӧлысьӧн садьмӧдіс йӧзӧс, восьтіс налысь синъяссӧ югыдлань мунны. Татшӧм велӧдысьясӧн регыдджык садьмасны коми йӧз.

Дереваннӧйса.