ЮГДӦДАМ ЙӦЗӦС ЛЫДДЬЫСЯН КЕРКА ПЫР
Шойнатыын (Кулӧмдін уездын) лыддьысян керкаын удж сувтӧдӧма бура, став йӧзӧс югдӧдан уджыс сэні и мунӧ. Быд рыт волывлӧ йӧзыд. Сёрнитӧны сэні, кыдзи колӧ кыпӧдны овмӧс, мыйджык колӧ вӧчны. Сэсся пельшӧр унаысь висьтавлӧ висьӧмъяс йылысь: кыдзи найӧ лоӧны, кыдзи видзчысьны наысь да бурдӧдчыны.
Ловъя газет да стенӧ ӧшӧдан газет лэдзӧм сӧмын на ӧддзӧ. Декабр 14-ӧд лунӧ лэдзим ловъя газет. Йӧзыс вӧлі зэв уна, муртса керкаас тӧрисны. Ловъя газет вылын петӧм дякӧн висьтавліс, мый понда сійӧ дугдіс енлы эскыны. Йӧзыс ставыс зэв бура кывзісны ловъя газет вылын висьтавлӧм. Шуӧны, быд вежон пӧ колӧ вӧчлывлыны.
Декабр 17-ӧд лунӧ вӧлі первой на ен тӧдтӧм кружокын сёрни, тайӧ кружокӧ тшӧтш пырӧмаӧсь важ попным да дякным (ӧні найӧ оз нин вичкоын сьывны). Медся ёна сы вӧсна кружокын сёрнитігӧн вӧлісны зэв уна олӧма йӧз. Ставыс чукӧрмыліс морт 75 кымын. Сёрни вӧлі: «кыдзи лои му библия серти да наука серти» йылысь. Доклад бӧрын зэв дыр сёрнитісны. Шыасьлісны и важ поп да дяк. Найӧ шуӧны: став религияыс пӧ куш ылӧг.
Татшӧм удж нуӧдігӧн лыддьысян керка ёна матыстӧ ас бердас йӧзӧс.
Ӧні лыддьысян керка пыр 25 морт гижсисны «
Пинь.
