КАЛИНИН СОВРАБОТНИКЪЯС СЪЕЗД ВЫЛЫН

Мӧскуа. 24/XII. Мӧскуаын мунӧ съезд Сӧвет республикаясса совработникъяслӧн. Тӧрыт, асъя заседанньӧ вылын, висьталіс налы чолӧмбыттьӧ СССР ЦИК-сянь Калинин ёрт. «Медся ёна пӧ, — шуис Калинин ёрт, — совработникъяслы колӧ вермасьны удж нюжйӧдлӧмкӧд, ыджыдӧ пуксьӧмӧн, лишнӧй гижӧдъясӧн, кор делӧсӧ позьӧ вӧчны сытӧг. Тайясысь позьӧ эновтчыны сӧмын сэки, кор гӧгӧрвоан лючки, мый тэнӧ пуксьӧдӧма уджавны йӧзлы. Кут тӧд вылад быд совработник: учрежденньӧяс лӧсьӧдӧма рабочӧй да крестьяналы, а абу найӧс учрежденньӧяслы».