ОБЛАСЬТУВСА ПЛАНӦВӦЙ КОМИССИЯЫН

Водзӧсавлӧм кӧйдыс йылысь

Таво Обласьтувса Кооперативъяслӧн Союз крестьяналы удждавліс нянь кӧйдыс. Сійӧ кӧйдыссӧ Планӧвӧй Комиссия бӧр бергӧдны шуис 1925 вося январ 1-ӧд лун кежлӧ. Позьӧ удждылӧм кӧйдыс пыдди вайны кӧйдысӧн жӧ, позяс сьӧмӧн, мукӧд крестьянаӧн лӧсьӧдӧмторйӧн. Позяс вайны тшӧтш кӧйдыс пыдди вӧралысьяслы кыйӧм куяс.

Мӧд во кежлӧ нянь кӧйдыс:

Планӧвӧй Комиссия шуис 1925 во кежлӧ вайны обласьтӧ тулысын кӧдзан нянь кӧйдыс 60.000 пуд (Изьваса уезд кындзи). Сы пиысь Обисполкомкӧд договор вӧчӧм серти Обласьтувса кооперативъяслӧн союз кӧсйӧ вайны 26,000 пуд. 34,000 пуд вайӧм кузя Планӧвӧй комиссия тшӧктіс Обласьтувса му-видз лӧсьӧдан удж нуӧданінлы лӧсьӧдчыны тӧргӧвӧй организацияяскӧд.