КНИГА РЫТ

Педтехникумын колян вежонӧ кыкысь вӧчлісны книга рыт. Рытъяс вылын висьтавлісны, кутшӧм донатор книга, висьталісны, кыдзи сійӧ лои, кыдзи колӧ сійӧс видзны да радейтны. Сэсся петкӧдлісны спектак моз суд. Судитісны ӧти том мортӧс. Вӧлӧма сійӧ комсомолеч, сӧмын зэв на пемыд морт. Сійӧ вӧлӧмкӧ книгаяс ёна косявлӧма да пачкайтлӧма. Книгаяс суд вылын норасьӧны том морт вылӧ. Петкӧдлісны, кыдзи книгаяс съезд вылӧ чукӧртчисны да ёна сёрнитісны, мый колӧ йӧзлы вӧчны накӧд, кутшӧм книгаяс колӧ медъёна лыддьыны, мый сетӧ быдсяма книга мортлы. Съезд вылад мырдӧн сюйсьыліс и евангелльӧ, сӧмын сійӧс съезд вылысь тойлалісны, вӧтлісны. Тайӧ рытыд зэв уна сетіс видзӧдысьяслы. Миян карын первой на вӧлі татшӧм книга рыт. Колӧ водзӧ кежлӧ тшӧкыдджыка вӧчлывлыны.

Н. С.