ПЕМЫДЛУН БЫРӦДЫСЬЯС

Ноябр 15-ӧд лунӧ Отйын (Емдін уездын) восьтісны школа велӧдны гырысь велӧдчытӧм йӧзӧс. Велӧдысяс пуктісны А. А. Козловаӧс. Сійӧ уджаліс сэні куим лун, сэсся шыбитіс ставсӧ, эновтіс школатӧ.

Вик Нардомкӧд юӧртісны та йылысь Емдінса Уполитпросветӧс.

Уполитпросвет пуктіс выль велӧдысьӧс — Щукинӧс. Вежон чӧж виччысисны сылысь велӧдӧм да эз и вермыны — Щукин эз кутчысьлы удж бердас. Коймӧд велӧдысьӧс корсисны — Шашовос. Сійӧ эськӧ и велӧдӧ, декабр 9-ӧд лунсянь ветлӧдлӧ школаӧ, да омӧльджык велӧдысь: политика йылысь ачыс немтор оз тӧд. Велӧдчысьясыс допризывникъяс. Дзонь тӧлысь ветлӧдлісны найӧ школаӧ, да тӧлкыс эз и босьт. Кысь нӧ, татшӧм велӧдысьяснад!

Уполитпросветлы бурджыка колӧ видзӧдны гырысь йӧзӧс велӧдӧм вылӧ да бурджык, сюсьджык велӧдысьясӧс сы вылӧ пуктавны.

Зорький.