НЫВБАБАЯС БОСЬТЧИСНЫ УДЖ БЕРДӦ

Дереваннӧйын (Кулӧмдін уездын) нывбабаяс зэв на гӧгӧрвотӧмӧсь вӧвліны. Весиг нинӧм найӧ абу тӧдлӧмаӧсь асланыс выль права йылысь. Найӧ костын тавоӧдз некутшӧм удж абу мунлӧма. Ӧні Кулӧмдінысь ыстісны сэтчӧ кык мортӧс удж босьтчӧдны нывбаба костын. Чукӧртчылӧм вылын нывбабаяс бӧрйисны 24 делегатка. На пытшкысь вит мортӧс бӧрйӧмаӧсь учрежденньӧясӧ. Ӧні делегаткаяс отсалӧны нин удж нуӧдны Волисполкомлы, уджалӧны мӧда-мӧдлы отсасян комитетын. Вочасӧн Дереваннӧйса нывбабаяс босьтчӧны удж бердӧ. Колӧ сӧмын ёнджыка уджсӧ босьтчӧдны, ыдждӧдны, паськӧдны.

А. Шешукова.