КОМСОМОЛ БОСЬТЧӦ УДЖ БЕРДӦ

Лӧзымын (Сыктыв уездын) неважӧн на лои комсомол ячейка. Сэтчӧ пырисны морт кызь нёль гӧгӧр. Декабр 17-ӧд лунӧ вӧлі собранньӧ. Сэні шуисны лӧсьӧдны стенӧ ӧшӧдан газет.

Сэсся шуисны тыртчыны сьӧмӧн: газетъяс судзӧдны, журналъяс, ньӧбавны нигаяс. Сэні и чукӧртісны сьӧмсӧ. Пуктісны коді мыйтӧм вермис: коді дас ур, коді 20 ур, коді унджык.

Сёрнитісны лыддьысян керка восьтӧм йылысь. Ёна пӧ колӧ лыддьысян керка — шуисны. Сӧмын керкаыс абу. Ог тӧд, сюрӧ оз. Дерт, ме чайта, босьтчим кӧ, керка сайӧ удж оз сувт, корсям.

Пильӧ Иван.