ПОЛЬШАСА СЕЙМЫН

Ланцуцкӧйӧс судӧ сетӧм йылысь сеймын коммунист депутатъяс кыпӧдлісны сёрни. Коммунистъяс висьталігӧн буржуй депутатъяс да накӧд ӧтвылысь мӧвпалысь «социалистъяс» быд ногӧн шутьлялісны да горзісны, мед коммунистъяслысь висьталӧмсӧ некод оз кыв. Та бӧрын коммунистъяс Интернационал сьылӧмӧн петісны сёрни нуӧдан залаысь. Залаысь петігӧн коммунистъяс вылӧ уськӧдчисны косясьны буржуй депутатъяс. Кыптіс зэв ыджыд зык. Сеймын юралысьлы лои недыр кежлӧ дугӧдлыны заседанньӧ. Выльысь заседанньӧ восьтӧм бӧрын унджык депутатыс шуис сетны судӧ украина депутатъясӧс. Та бӧрын коммунист депутатъяс, украинаса, белоруссияса да крестьяна депутатъяскӧд ӧтвылысь кыпӧдісны зык, босьтчисны сьывны Интернационал, украинаса да белоруссия песняяс. Зык сеймын эз дугды заседанньӧ помасьтӧдз.