НИГА ДЕРЕВНЯЛЫ

«Что дает сортировка». Гижӧма крестьянин Ярков П. Г. Издайтӧма «Новая Деревня» (Выль деревня) журнал Мӧскуаын 1924 воӧ, доныс 10 ур.

«Медвойдӧр, медым бурджык нянь воас, колӧ му гӧрны бур плугӧн. Сэсся колӧ му кӧдзны весалӧм кӧйдысӧн да кӧдзны машинаӧн (рядовой сеялкой). Нянь босьтан (вундан, вартан) машинаясыд колантор жӧ».

Тадзи шуӧ крестьянин Ярков. Сійӧ висьталӧ аслас уджалӧм серти.

Нигаын висьтавсьӧ кӧйдыс весалӧм йылысь. Крестьянин Ярков висьталӧ сэні, кыдзи сійӧ кӧйдыс весалӧмӧн бурмӧдӧма ассьыс олӧмсӧ, нянь воӧмсӧ, кыдзи сэсся сійӧ весалӧм кӧйдыснас кӧдзӧмӧн кык мында нянь кутіс босьтны да сэтшӧм кӧйдыссӧ вермӧма сетавны дзонь округлы.